تجربة الـ Potentiometer تشغيل وإطفاء ليدين ب عتلة

بهذا الفيديو راح نشوف سوة شلون نتحكم بليدين عن طريق مقاومة متغيرة. أول شي نشرح شنو هية المقاومة المتغيرة (Potentiometer): قطعة إلكترونية تخليك تتحكم بكمية التيار أو الفولتية اللي تمر بالدائرة، وتكدر تغير قيمتها يدوياً بس بفر العتلة مالتها. بيها ٣ أقطاب — الطرف الأول يروح للموجب (5V)، الطرف الثالث للسالب (GND)، والطرف الي بالنص هو طرف الإشارة (Signal) اللي يطلعلك الفولتية المتغيرة وتقراها بالأردوينو من منفذ مثل A0. من أشهر استخداماتها: التحكم بشدة إضاءة ليد، التحكم بسرعة ماطور صغير، وتغيير مستوى الصوت. القطع المطلوبة: - أردوينو أونو - بريد بورد - ليد عدد ٢ + مقاومتين - مقاومة متغيرة - أسلاك توصيل طريقة الربط: نثبت اللدات والمقاومات على البريد بورد ونغذي أقطاب البريد بورد من الأردوينو، ونخلي مقاومة على كل ليد والطرف الثاني مالتها يروح لل ground. بعدها نسحب واير من المنفذ ٢ للليد الأول، وواير من المنفذ ٣ للليد الثاني. المقاومة المتغيرة نغذيها من ال 5V وال GND، وطرف الـ Signal مالتها نربطه بمنفذ A0.